‘သားရေ မင်းညီမလေး ဘာဖြစ်တာလည်းမသိဘူးကွယ်။ခေါင်းတွေအရမ်းကိုက်တယ်လို့ပြောပြီး ငိုပဲငိုနေတယ်။ သားမြန်မြန်လာကြည့်ပေးပါဦး’ ဟုဆိုကာ အန်တီသန်းခမျာ ရေးကြီးသုတ်ပြာဟန်ဖြင့် ဖုန်းကိုချသွားသံကြားရသည်။
အန်တီသန်း၏သမီး ၈ တန်းကျောင်းသူလေး မီးငယ်မှာ အရွယ်နှင့်မလိုက်အောင်
မျက်မှန်ထူထူတပ်ထားရသည်။ ယခုလည်းစာမေးပွဲနီး၍ စာကြည့်ရများပြီး ခေါင်းကိုက်လာပြန်ပြီထင်သည်။ အားကိုးတကြီး ကိုယ့်ကိုပင့်မှတော့
သည်ဆရာကလည်း ကိုယ်လက်သန့်စင်၍ မျက်နှာသစ်သွားတိုက်ကာ ဆေးခန်းဖွင့်ထားသည့် အိမ်ကို အမြန်ဆုံးနည်းနှင့် ကြွလှမ်းရတော့သည်။ လက်ပတ်နာရီလေးကို ကြည့်လိုက်တော့ မနက် ၆ နာရီခွဲ။ ‘အင်း ဒီနေ့တော့ဆေးခန်းအစောကြီးဖွင့်ဖြစ်တော့မယ်’ ဟုတွေးကာ လေညင်းလတ်လတ်ဆတ်ဆတ်နှင့် လန်းဆန်းတက်ကြွစွာ ဆေးခန်းသို့ အသော့ကလေး ခရီးနှင်ခဲ့မိသည်။
‘ဖြန်း ဖြန်း ဖြန်း ဒုန်း ဒုန်း’
‘ပြောစမ်းနင်နောက်တစ်ခါ ဝင်ဦးမလား’
ဟဲ့ သောက်ပလုတ်တုတ်။ ဆေးခန်းအိမ်ရှေ့ ဆိုင်ကယ် ရပ်လိုက်စဉ်မှာပင် ကြားလိုက်ရသည်က လှည့်ပြေးချင်စရာ။ ဦးဦးနှယ် သမီးလေးနေမကောင်းပါဘူးဆိုမှ ရိုက်နှက်ဆုံးမနေရသလားဟု စိတ်ထင့်သွားသေးသည်။ ကောင်မလေး၏ ငိုယိုသံရော၊ မဝင်တော့ပါဘူးဟု ပလုံးပထွေးပြောသံပါ သဲ့သဲ့တော့ကြားနေရသည်။ လူတွေကိုတော့မမြင်ရသေး။ အိမ်ထဲမြန်မြန်ဝင်ကာ ကောင်မလေး၏အဖေကို တားရမည်ဟုတွေးကာ ကျွန်တော်ဆိုင်ကယ်ပေါ်မှ မြန်မြန်ဆင်းရတော့သည်။ ထိုစဉ်မှာပင် အန်တီသန်းနှင့် ဦးဦးအိမ်ရှေ့ထွက်လာသည်ကို တွေ့ရသည်။တဖြန်းဖြန်းရိုက်သံ၊ ငိုယိုသံတွေကိုတော့ ကြားနေရတုန်း။
‘ဘယ့် နှာကြီးပါလိမ့်၊သူ့အဖေကလည်း အပြင်မှာပါ’ ဟု ကျွန်တော်တွေးနေစဉ် အန်တီသန်းက လက်ဟန်ခြေဟန်လေးဖြင့် တိတ်တိတ်လေးလာခဲ့ရန် ခေါ်သည်။
ဦးဦးကထွက်လာကာ ကျွန်တော့်ဆေးအိတ်ကို လာယူပေးသည်။ အန်တီသန်းဆီရောက်တော့ လေသံတိုးတိုးလေးဖြင့် ကျွန်တော့်ကိုပြောပြသည်။
‘သား ဆိုင်ကယ်သံကြားလို့ အန်တီတို့ဆင်းလာတာ။ မင်းညီမကတော့ အပေါ်ကဘုရားစင်ရှေ့မှာ။ သူကရိုးရိုးသားသား ခေါင်းကိုက်တာမဟုတ်ဘူးတဲ့။ သူနဲ့စာပြိုင်ဖက် ကလေးမလေးရဲ့ အမေကပြုစားထားတာဆိုလား ဆရာဘ ကပြောလို့ အကြမ်းနည်းနဲ့ နှင်နေတာ’
'ဟာ အဲ့ဒါမှ တကယ့်ပြဿနာ' ဟု ကျွန်တော်တွေးလိုက်မိသည်။ ဆရာဘဆိုသည်က ကျွန်တော်တို့ရပ်ကွက်လေးထဲက ဗိန္ဓောယောင်ယောင်၊ ပယောဂယောင်ယောင်။ သည်လိုအယူအဆမှားမျိုးနှင့်ဆိုလျှင် ခေါင်းကိုက်နေသည့်ကလေးခမျာ မသက်မသာ ထပ်ပါအရိုက်ခံနေရသည့်ကိန်းမျိုး။ ကျွန်တော်လည်း ကလေးအတွက်စိတ်နည်းနည်းတိုသွားကာ အန်တီသန်းကို ပြောမိတော့သည်။ ဦးဦးကိုကြည့်လိုက်တော့ အပေါ်ထပ်သို့ခပ်ကုပ်ကုပ်လေး တက်သွားသည်ကို တွေ့လိုက်ရသည်။ ကျွန်တော်ကတော့ အိမ်တံခါးဝနားမှာရပ်နေရသည်။
‘ဘာတွေလျှောက်လုပ်နေတာလဲ အန်တီရယ်။ မီးငယ်မှာ မျက်စိနဲ့အာရုံကြော အားနည်းတဲ့ရောဂါရှိတာသိရဲ့သားနဲ့။ ကိုယ့်ကလေးကို အဲသလောက်ရိုက်နေတာ ဒီတိုင်းကြည့်နေရလား အန်တီရဲ့။ အဓိပ္ပါယ်မရှိလိုက်တာဗျာ။ ဖယ်ဖယ် ကျွန်တော်သွားတားမယ်’
ကျွန်တော်သွားမတားရသေးခင်မှာပင် အန်တီသန်းကကျွန်တော့်ကို တားတော့သည်။
‘အမလေး မလုပ်လိုက်ပါနဲ့မောင်မင်းကြီးသားရယ်။ မနက်အစောကြီးကတည်းက အားနာနာနဲ့ ဆရာဘကို မနည်းပင့်ထားရတာ။ ဒါတောင်ဆရာဘက မီးငယ်အဖေမျက်နှာနဲ့မို့လို့ မနက်အစောကြီးထလိုက်ပေးတာတဲ့။ ဒီနားမှာခဏလေးထိုင်ပေးနေပါဦး သားရယ်။ ဆရာဘ ရဲ့ဆေးကြိမ်လုံးကသိပ်စွမ်းတာတဲ့။ ခုတောင် မီးငယ်လေးဆီ ဝင်ပူးကပ်နေတဲ့ မကောင်းဆိုးဝါးတွေကို ရိုက်နှင်နေတာ တော်တော်ခရီးရောက်နေပြီ။ သားကြားတယ်မဟုတ်လား။ နောက်မဝင်တော့ပါဘူးလို့ ပြောနေတာ။ အဲ့ဒါ မီးငယ်ပါးစပ်ကထွက်ပေမယ့် မီးငယ်ပြောတာမဟုတ်ဘူး။ မကောင်းဆိုးဝါးကပြောနေတာတဲ့။ သားဒီခုံမှာ ခဏထိုင်နေဦးနော်။ ဆရာဘ ကပြီးတော့မှာပါ။ပြီးရင် သားနဲ့ ပြန်စမ်းသပ်မယ်နော်။ ခုတော့ အန်တီအပေါ်ခဏပြန်တက်လိုက်ဦးမယ်’
ဟု ဆိုကာ အပေါ်တက်သွားသော အန်တီသန်းကိုကြည့်ရင်း ကျွန်တော်သက်ပြင်းသာချလိုက်မိသည်။
အမေလို၊ အဒေါ်အရင်းတစ်ယောက်လို ရင်းနှီးနေတော့လည်း ကိုယ့်ကိုဖုန်းဆက်ခေါ်ပြီးမှ ဆရာကြမ်းနှင့် အရင်ကုနေသည်ကို ဒေါသတော့မထွက်မိ။ စိတ်မကောင်းတော့ နည်းနည်းဖြစ်သွားသည်။ သမီးဇောပါပဲလေ ဟုဖြေတွေးလေးတွေးကာ တဖြန်းဖြန်းအသံများကို မသက်မသာ နားထောင်နေရင်း ကျွန်တော်မျိုးဆရာဝန်ခမျာ ဆရာကြမ်းလွှဲပေးမှပဲ ကုသရမည့်လူနာကို မျက်နှာငယ်လေးနှင့် ထိုင်စောင့်နေရတော့သည်။
ကလေးကို ရိုက်လိုက်၊ (ဘုရားစင်ရှေ့ကြမ်းပြင်ကိုထင်သည်) တဝုန်းဝုန်းထုလိုက် နှင့် နောက်နာရီဝက်လောက် ကြာတော့ ဆရာကြမ်းကြီး ဆရာဘ မိန့်မိန့်ကြီးဆင်းလာသည်ကိုတွေ့ရသည်။ အန်တီသန်း၏သမီး မီးငယ်ကတော့ ခေါင်းကိုက်ပျောက်သွားမသွားတော့မသိ။ အသံကတော့ လုံးဝ ပျောက်သွားသည်။ တစ်ခုခုထိခိုက်မှုများဖြစ်သွားလို့ကတော့ တရားစွဲပစ်မယ်ဟု ဆရာဘဆိုသူကို မနက်စောစောစီးစီး ဒေါကန်နေမိသည်။(ခုတလော ကိုယ်တို့ဆရာဝန်တွေကိုပဲ တရားစွဲမယ်တကဲကဲ လုပ်နေကြတဲ့သူတွေ များနေတော့လည်း ကြိမ်းလည်းကြေ၊ယတြာလည်းချေပြီးသားဖြစ်သွားတာပေါ့)။
ဆရာဘ အနောက်မှာတော့ အန်တီသန်းတစ်ယောက် တစ်ထောင်တန်ရွက်ရေများများလေးကို ကိုင်ကာ လက်အုပ်မချီယုံလေးတမယ် ခပ်ယို့ယို့ကလေးဆင်းလိုက်လာသည်ကိုတွေ့နေရသည်။ ဆရာဘဆိုသူက မိန့်မိန့်ကြီးလျှောက်လာသည်ဆိုတော့ ကျွန်တော့်မှာမတ်တတ်ထရပ်ကာ လက်ခုပ်တီးပြီး ဩဘာပေးကြိုဆိုပေးရမလိုလို။ ကလေးဘဝတုန်းကစိတ်နှင့်ဆိုရင်တော့ ဆရာဘဆိုသူ၏နှုတ်ခမ်းမွှေးကားကား ကို တစ်ပင်ချင်းဆောင့်ဆောင့်ဆွဲနှုတ်ပစ်ချင်နေမိသည်။
အန်တီသန်းကို လေသံတိုးတိုးဖြင့် ဘာတွေမိန့်မှာနေလဲဆိုသည်ကိုတော့ ကျွန်တော်မကြား။အပေါ်ထပ်သို့ တက်ကာ သမီးငယ်လေးအခြေအနေကို သွားကြည့်ချင်လှပြီ။ ဆရာဘဆိုသူ အိမ်အပြင်ထွက်လာတော့ အန်တီသန်းက ကျွန်တော့်ကိုခဏလေးထပ်စောင့်ခိုင်းသည့် လက်ဟန်လေးပြကာ ပေါ်ထပ်သို့အပြေးကလေးပြန်တက်သွားသည်။ ဆရာဘဆိုသူက ကျွန်တော့်ကိုတွေ့တော့ နှုတ်ဆက်ပြောပြောသည်။
‘ဆရာလေးရေ တချို့ကိစ္စတွေက ခေတ်ဆေးပညာနဲ့လိုက်လို့မမီတာတွေရှိတော့ ဒီလိုပဲ မန်းမှုတ်မောင်းထုတ်ပေးရတယ်။ ကောင်မလေးက အဘထင်တာကတော့ အပမှီတာပဲ။ခုတော့ မောမောနဲ့အိပ်သွားရှာပါပြီ။ ဆရာလေးရဲ့ ဒီကလေးအပေါ် ဆေးဝါးကုသမှုလက်လိုက်အစွမ်းထက်အောင်လည်း အဘ စီရင်ပေးခဲ့တယ်နော်’
ကျွန်တော့်မှာ သူ့ကိုပဲ ကျေးဇူးရှင်ကြီး ဆိုပြီး ဝမ်ဆွေ့ဝမ်ဆွေ့လုပ်လို့ ထိုင်ကန်တော့ရမယောင်ယောင်။ ကိုယ့်ဘကြီး၊ ဦးကြီးအရွယ်ဆိုတော့လည်း ကျွန်တော်ဘာမှ ခွန်းကြီးခွန်းငယ်ပြန်မပြောချင်။ကြည်စေ၊ အေးစေသဘောဖြင့်သာ ခေါင်းတစ်ချက်ဆတ်၍ အိမ်ထဲသို့ ဝင်ရန်ပြင်ရသည်။ ဆရာဘဆိုသူက
‘ဪ အဘမြေးလေးတစ်ယောက်လည်း ဆရာလေးဆီ ဒီနေ့ခေါ်လာမလို့။ဖျားနေတာ လေး၊ငါးရက်တောင်ရှိနေပြီ၊ သူ့အဖွားက ဆရာလေးနဲ့ ပြဖို့ပြောနေတာ ဒီနေ့မှပဲ ခေါ်လာပြတော့မယ် ဆရာလေးရေ’ ဟုဆိုကာ ကြိမ်တစ်ချောင်းကိုကိုင် လွယ်အိတ်တစ်လုံးကိုဘေးချိတ်လွယ်၍ ကွမ်းတမြုံ့မြုံ့ဆက်ဝါးကာ ထွက်သွားတော့သည်။
'ကိုယ့်မြေးကိုယ်ကျတော့ မီးငယ်လေးလိုမကုတော့ဘူးလား ဆရာကြမ်းကြီးရယ်’ ဟုတော့ ကျွန်တော်အငေါ်တူးကာ မမေးဖြစ်တော့ပါ။လောင်းရိပ်မမိပဲ ငွါးစွင့်ဖြူစင်စွာ ပွင့်လန်းနေသော ပန်းခင်းလေးတစ်ခင်းသာ စိတ်ထဲမြင်ယောင်ကြည့်နေမိသည်။ ကျွန်တော်တို့အချစ်ဆုံး ကလေးငယ်လေးများသည် ပန်းခင်းလေးထဲက ပန်းပွင့်နုနုလှလှလေးများပဲမဟုတ်လား။ သည်ပန်းကလေးများကို နေလည်းမလောင်စေလိုသလို၊ လွဲမှားသည့်အယူအဆလောင်းရိပ်တွေကြောင့်လည်း လန်းသင့်သလောက်မလန်း၊ လှသင့်သလောက်မလှပတော့မှာကို စိုးရိမ်မိရင်း ကျွန်တော်လည်း သက်ပြင်းရှည်လေး ခပ်သဲ့သဲ့ချလိုက်မိကာ သမီးငယ်လေးရှိရာ အိမ်အပေါ်ထပ်သို့ အသံပေး၍ လှမ်းတက်ခဲ့မိတော့သည်။ ။
No comments:
Post a Comment
ဝေဖန်ဖတ်ရှုပေးတဲ့အတွက်ကျေးဇူးတင်ပါတယ်